Cambre é un concello bañado por numerosos ríos; o Mero, que atravesa o termo de leste a oeste, e os seus afluentes, alimentados polas augas do ZEC Encoro de Abegondo-Cecebre.
Esta ruta percorre tres dos ríos (Mero e os seus afluentes Brexa e San Benito) polo que se caracteriza pola presenza de flora de ribeira, e no interior fragas de castiñeiros ou carballos que no se tempo serviu de inspiración a Wenceslao Fernández Flórez para o seu “Bosque Animado”.
Ademais Cambre é un concello con moita historia. Cómpre destacar a xoia do románico do s. XII en Galicia: a igrexa de Santa María de Cambre (monumento nacional) é a única igrexa parroquial galega con planta catedralicia. No transcurso da ruta, no Val de Lema obsérvase a igrexa de San Paio de Brexo e o seu cruceiro, dos máis antigos do concello; ou muíños de auga como o muíño de Peiraio de estilo modernista.
O punto de partida (e final) ao tratarse dunha ruta circular son os “Muíños de Cambre”.
