Ruta de Aves: Paseo fluvial do río Mero

Desde as inmediacións da presa do encoro de Abegondo-Cecebre ata a súa desembocadura na ría do Burgo, é posible percorrer as dúas beiras do río Mero por sendeiros case sempre á sombra dun bosque de ribeira moi ben conservado. O percorrido completo, de 10 km, pode facerse tanto a pé como en bicicleta BBT. En varios puntos é necesario cruzar estradas secundarias para retomar o camiño, o que obriga a extremar a prudencia.

Interés ornitolóxico

O bosque de ribeira que acompaña ao Mero nos seus últimos pasos cara ao mar, composto sobre todo por ameneiros e salgueiros, acolle unha interesante comunidade de paxaros que inclúe papuxa das amoras, carriza, picafollas europeo (no inverno) e ibérico (na primavera e no verán), ferreiriños azuis, mitos, ferreiriños reais, rapaces como miñato ou gabián, no verán rula… Nalgúns tramos do río, por exemplo preto do muíño de Peiraio, é posible ver merlo rieiro. Tamén cerca da auga, lavandeira real, lavanco e garza real.

Fenoloxía

Calquera momento do ano é ideal para percorrer este bosque de ribeira. Na primavera e a primeira hora do día, a combinación do murmurio da corrente e os cantos nupciais das aves resulta moi especial.

Proposta de visita

Un dos tramos mellor conservados é o que vai desde o muíño de Peiraio ata a ponte das Insuas, xunto á estación-apeadeiro de ferrocarril de Cambre.

Como chegar, accesibilidade e recomendacións

Existe acceso a diferentes puntos desta ruta mediante transporte público en autobús ou ferroviario, neste segundo caso ata os apeadeiros de Cambre ou Cecebre.

No inverno recorda traer contigo calzado impermeable. Se realizas a visita paseando, permanece atento á presenza de ciclistas, para facilitar a súa ruta. Se vés en bici, respecta os paseantes!

Recursos

Na páxina web a Reserva de Biosfera Mariñas Coruñesas e Terras do Mandeo existe información sobre os lugares de interese.

Lugares próximos de interese ornitolóxico

A combinación desta ruta coa visita ao encoro de Abegondo-Cecebre e a ría do Burgo ao longo dunha xornada de inverno pode deparar unha moi alta cifra de especies de aves observadas.

Aves das Mariñas

image
Bilurico das Rochas
Scolopacidae
É un ave de pequeno tamaño con patas bastante cortas e pes amarelos oscuros.
image
Ferreiriño real
Paridae
Ten o peito amarelo en contraste co azulado da cola e as ás.
image
Virapedras
Scolopacidae
Ten o corpo compacto, coas súas patas, pescozo e pico cortos. As patas teñen unha coloración laranxa intensa.
image
Pilro común
Scolopacidae
É unha ave de tamaño medio co pico e patas de cor escura.
image
Picapeixe
Alcedinidae
Verde azulado brillante por riba, castaño alaranxado debaixo.
image
Papuxa das Amoras
Sylviidae
Curruca de tamaño medio, de aspecto robusto e dunha tonalidade grisácea en xeral.
image
Paporrubio
Turdidae
A plumaxe do peito e da cara son laranxas.
image
Merlo rieiro
Cinclidae
Os mirlos acuáticos son aves rechonchas de tamaño mediano, cola curta e ás máis ben pequenas.
image
Mergullón pequeno
Podicipedidae
Na época de cría presenta unha plumaxe nupcial no que destaca a gorxa e o pescozo de color vermella, cunha mancha amarela na parte membranosa da base do pico.
image
Zarapito real
Scolopacidae
A cabeza do mazarico real é de cor bastante uniforme.

Outros lugares para visitar

Casa Museo Wenceslao Fernández Flórez e Bosque Animado.

Museo do xacemento romano de Cambre.

Igrexa románica de Santa María de Cambre.

Ruta Mariñá Arredor de Cambre.

Teléfonos e enderezos de interese

Para informarte dos horarios de autobuses, este é o teléfono da Estación de Autobuses da Coruña: 981 184 335
Horarios de Renfe: https://www.renfe.com/es/es/viajar/prepara-tu-viaje/horarios
Urxencias: 112
Concello de Cambre: 981 613 128
Oficina de Turismo de Cambre: Praza do Mosteiro, 1, (15660), Cambre, A Coruña. Telf.: 981 656 217. museo@cambre.org