Casanova
O Restaurante
Situado en pleno centro de Betanzos, na zona popularmente coñecida como “Os Soportais”, nos invita a degustar os pratos típicos e gastronomía tradicional baseada en produtos de proximidade e de gran calidade. Todo isto, na zona de viños por excelencia de Betanzos, e como non podía ser doutra maneira, acompañándoo cun Branco Lexítimo, a variedade estrela do noso territorio recoñecido internacionalmente pola UNESCO como Reserva de Biosfera Mariñas Coruñesas e Terras do Mandeo.
A cociña
En Casanova – Casa de Comidas, recuperaron as receitas de sempre aportándolles o seu “toque” persoal. O empeño co que traballan cada día fai que os comensais se sintan cómodos e saian cun gran sabor de boca.
A súa cociña caracterízase pola utilización de produtos de proximidade, de tempada e de calidade, na que o trato amable é un dos seus puntos fortes. Elaboran cociña por encarga e tamén para levar.
