Neste templo, situado na cima do outeiro onde se sitúa o Centro histórico de Betanzos, pódese apreciar a transición do románico ao gótico.
A fachada actual, tal e como a coñecemos, realizouse entre 1899 e 1901. As torres actuais, en forma de agulla, divísanse desde todas partes e constitúen o aceno de identidade do “sky line” da Cidade dos Cabaleiros. Betanzos. A pesar da reconstrución, consérvase a portada gótica dedicada a Santiago Apostol, representado sobre o seu cabalo.
A mediados do s. XVI constrúese, encostada á igrexa, a torre municipal do reloxo de planta hexagonal.
No interior adivíñase o carácter jacobita desta igrexa situada no Camiño Inglés a Compostela, adivíñase nun dos seus capiteis con figuras de peregrinos e cunchas de vieira. Das súas catro capelas destaca a do Arcediano con formas que nos lembran á capela do Hospital dos Reis Católicos de Santiago.
O retablo isabelino de San Pedro e San Pablo (s. XVI), obra de Cornielles de Holanda, está considerado como unha das pezas máis representativas do estilo plateresco.
Tamén se poden ver as sepulturas do arcediano Don Pedro de Ben, un deudo de Don Pedro, e semiescondida na Capela de Lourdes, poderemos descubrir a tumba de Gómez García de la Torre.
