Goza da nosa nova embarcación sostible polo río Mandeo e a ría de Betanzos. O noso novo catamarán 100% eléctrico é unha experiencia completamente única xa que poderás gozar dos sons da natureza e redescubrir recunchos esquecidos. Durante séculos esta ría guiou centos de barcos que subían ao Casco Histórico de Betanzos. Grazas aos nosos guías certificados mergullaraste de cheo nesta experiencia.
A bordo tamén poderás degustar o noso menú degustación baixo a luz máis romántica da lúa ou a plena luz do día, elaborado polos nosos produtores locais da man de chefs de alta cociña.
Grazas ás nosas lentes de realidade virtual, terás a sensación de mergullarte no fondo mariño da Reserva de Biosfera Mariñas Coruñesas. Este catamarán, ao ser 100% eléctrico, permite sentir e gozar da experiencia en silencio e sen emisións dun xeito inigualable.
Comparte un momento con amigos/as, ou con familiares nunha zona máis que interesante do noso litoral. Ata oito persoas a bordo incluído o patrón; gozarás dunha degustación culinaria acompañada duns viños locais durante o día ou baixo a luz da lúa. Unha experiencia totalmente á carta, a demanda, flexible, que se adapta ás túas preferencias.
