POBOAVENTURA

Pobo Aventura é unha empresa galega de ocio educativo e turismo de natureza. A súa filosofía céntrase en vincular ás persoas co medio natural a través da interacción responsable e sostible, empregando espazos abertos e pechados en pequenas vilas da zona alta da Reserva da Biosfera Mariñas Coruñesas. 

Entre as súas liñas de traballo destacan:  programas de ecoturismo e turismo activo para grupos, que inclúen rutas de sendeirismo, interpretación do medio, obradoiros, vivencias en aloxamentos típicos da zona e experiencias de inmersión na natureza; visitas escolares e actividades extraescolares deseñadas para cursos de primaria e secundaria, con dinámicas adaptadas a distintas épocas do ano e niveis educativos; xestión de campamentos e ludotecas, así como actividades de ocio educativo dirixidas a familias, entidades ou concellos. 

A empresa aposta por unha experiencia centrada na sostenibilidade social, económica e medioambiental. Foméntase o coñecemento e o respecto polas paisaxes, a etnografía e o patrimonio cultural galegos, xunto coa dinamización dos pobos do interior de Galicia.