DE EXPERIENCIAS

OF experiencias é unha empresa galega especializada en educación ambiental e ecoturismo, dedicada a acompañalo no descubrimento da natureza e a cultura da Reserva de Biosfera Mariñas Coruñesas. Deseñamos rutas interpretativas, obradoiros ao aire libre e actividades creativas que lle permiten coñecer o territorio con calma, curiosidade e sentido. Somos especialistas en campamentos ambientais para todas as idades.

Cada proposta nace dun traballo previo de estudo da paisaxe, a historia e a biodiversidade local, para que viva experiencias seguras, didácticas e cheas de significado. O noso equipo, formado en bioloxía, medio ambiente e patrimonio, guíao con proximidade, bo humor e rigor científico.

Ofrecémoslle actividades adaptadas a todos os públicos: paseos interpretativos, experiencias familiares, obradoiros temáticos e momentos para reconectar co contorno.

OF experiencias: descubra a Reserva de Biosfera desde unha mirada viva, respectuosa e auténtica.