Francisco Llorens
O pintor das Mariñas
A través da Ruta do Impresionismo das Mariñas poderás descubrir as paisaxes das Mariñas Coruñesas onde o pintor Francisco Lloréns, discípulo de Sorolla, inmortalizou algunas das súas obras máis destacadas.
No ano 2019, a Ruta do Impresionismo foi declarada Itinerario Cultural Europeo polo Consello de Europa: https://www.impressionismsroutes.com/
O impresionismo é un movemento nado en Francia pero desenvolvido realmente no resto de Europa. Un dos puntos interesantes dos Roteiros do Impresionismo en Europa é transmitir tamén estes múltiples aspectos do enfoque impresionista.
Este estilo reflicte un agarimo especial pola luz, a auga nas súas diversas formas… ela transmite a alegría de vivir reforzado pola súa perfecta harmonía coa natureza, e está na orixe das revolucións pictóricas que aconteceron máis tarde…
O proxecto “Roteiros do Impresionismo en Europa” ten como obxectivo crear e promover, dentro do continente europeo, unha conexión entre os lugares que inspiraron os pintores de aire impresionista europeos a partir de mediados do século XIX ata mediados do século XX, os lugares onde viviron os pintores, as áreas onde se estableceron colonias de artistas e as cidades que hoxe exhiben os seus traballos dentro dos seus museos ou nos diferentes espazos culturais.
A Ruta do Impresionismo das Mariñas forma parte dos Roteiros Impresionistas Europeos, recoñecidos no ano 2019 polo Consello de Europa como Itinerario Cultural Europeo. Esta ruta paisaxística, cultural e turística permite coñecer os lugares das Mariñas onde o pintor Francisco Lloréns realizou as súas obras máis emblemáticas, e permite comparar a paisaxe actual das Mariñas coa de comezos do século XX.
A Reserva de Biosfera “Mariñas Coruñesas e Terras do Mandeo” ven de lanzar un novo servizo de autoguiado para acercar ao turista e á poboación local a Ruta do Impresionismo das Mariñas.
O fío condutor desta Ruta do Impresionismo das Mariñas é o pintor Francisco Lloréns Díaz, quen a comezos do século XX ilustrou dunha maneira única o territorio das Mariñas Coruñesas.
Preténdese adaptar este Itinerario Cultural Europeo ante a nova realidade da COVID-19 e como Primeiro Destino de Ecoturismo certificado de Galicia, para a súa realización en pequenos grupos e cun sistema de autoguiado de última xeración, o cal mellorará a accesibilidade deste recurso turístico.
Trátase de potenciar dunha maneira sostible (eliminando materiais promocionais en papel) as visitas ao territorio para que o visitante goce dos contidos e das obras no mesmo lugar onde as pintou o artista Lloréns.
Como visitante gozarás, coñecerás e saberás chegar aos lugares exactos onde Lloréns pintou as súas obras a través deste roteiro autoguiado. Coñecerás a motivación de Lloréns á hora de pintar o cadro e che permitirá realizar unha comparación da modificación que sufriu a paisaxe daquela época coa actual. A través de audioguías será o “propio Lloréns” quen explicará os seus propios cadros e os motivos polos que os realizou.
Material didáctico
Docentes
Actividade didáctica - Alumnado de educación primaria
A través desta actividade ímosche axudar a coñecer a FRANCISCO LLORENS, quen era, que fixo ao longo da súa vida, pero sobre todo, por que lle chamamos o pintor “das Mariñas”.
Actividade didáctica - Alumnado de educación secundaria
O obxectivo fundamental desta unidade didáctica é que coñezas a personalidade creativa de FRANCISCO LLORENS, a súa obra e sobre todo a importancia que un espazo xeográfico, AS MARIÑAS, tivo na súa pintura. Para iso imos traballar en tres aspectos importantes da súa personalidade a través de textos documentais e imaxes: a vocación e o innato talento para recrear a paisaxe, a súa maneira de facelo e o espazo no que o desenvolveu.
Guía didáctica Profesorado Educación Primaria
Obxectivo: Coñecer a figura de Francisco Llorens e a súa relación co espazo xeográfico das Mariñas.
Francisco Llorens (A Coruña,1874 - Madrid, 1948)
Guía didáctica Profesorado Educación Secundaria
Obxectivo: Coñecer a personalidade creativa de Francisco Llorens, a súa obra e a importancia que o espazo xeográfico “As Mariñas” tivo na súa pintura, pescudando a través de textos documentais e imaxes no seu innato talento para recrear a paisaxe.
Francisco Llorens (A Coruña,1874 - Madrid, 1948).
Díptico
Díptico
A Ruta do Impresionismo das Mariñas intenta difundir ao público a singularidade e a importancia do territorio de “As Mariñas” como fonte de inspiración para un artista de renome internacional como é Francisco Llorens Díaz.
