A ruta A Moa e o Pan, trasladarache á outra época anterior. Unha época na que a cultura e a economía galega xiraba ao redor das actividades dos muíños. Un espazo de encontro social que mentres transcorría a moenda sucedíanse os contos, as cantigas e os bailes.
Ademais coñecerase o uso e tipo de moas, as diferentes partes do muíño e o tipo de cereais que se levaban a moer. O río Pelamios e o Concello de Betanzos serán o marco da ruta. A auga do propio río e as fontes ao longo da andaina serán coprotagonistas ao longo de 2 horas e media coa súa posterior visita ás panaderías máis antigas de Betanzos, na que poderemos ver un forno de pedra e enfariñarnos ao longo das empedradas vías da cidade.
